VOBKENT TUMANI YANGI SHAHARCHALARINING SHAKLLANISHI VA RIVOJLANISHI

Аннотация

O‘zbekistonda qishloq joylarini har tomonlama rivojlantirish mamlakatimiz hukumatining doimiy e’tiborida bo‘lib, shunga muvofiq qishloq va mahallalarda katta islohotlar amalga oshirilmoqda. Shu bilan birga hukumat tomonidan ayrim qishloqlar mavqeini oshirish, ularning maqomini o‘zgartirishga alohida e’tibor qaratilmoqda. Jumladan, O‘zbekiston Respublikasi Vazirlar Mahkamasining 2009 yil 13 martda “O‘zbekiston Respublikasi ma’muriy - hududiy tuzilishini takomillashtirishga doir qo‘shimcha chora-tadbirlar to‘g‘risida” gi qaroriga muvofiq 966 ta qishloqlarga shaharcha maqomi berildi. Mazkur holatdan keyin mamlakatimiz shaharlar geografiyasi son jihatdan ko‘payib, 4 marta ko‘p shahar manzilgohlari vujudga keldi.